Aadaab e Zindagi
آداب زندگی

Aadaab e Zindagi <br>آداب زندگی

پروفیسر حافظ عبدالستار حامد حفظہ اللہ ایک معروف عالمِ دین اور محقق ہیں جن کی کتاب خطبات سورۃ فاتحہ سورۃ الفاتحہ کی آسان اور جامع تفسیر پر مشتمل 15 خطبات کا مجموعہ ہے۔ اس میں سورۃ الفاتحہ کی فضیلت، نماز میں اس کی اہمیت اور فقہی مسائل کو سادہ انداز میں بیان کیا گیا ہے تاکہ قاری قرآن کے بنیادی پیغام کو بہتر طور پر سمجھ سکے۔ یہ کتاب دینی رہنمائی اور روحانی تربیت کے لیے ایک مفید علمی ذریعہ ہے۔

خدمت ِحدیث وسنت ایک عظیم الشان اور بابرکت کام ہے۔ جس میں ہر مسلمان کو کسی نہ کسی سطح پر ضرور حصہ ڈالنا چاہیے ،تاکہ اس کا شمار کل قیامت کےدن خدامِ سنت نبوی میں سے ہو۔اور یہ ایک ایسا اعزاز ہے کہ جس کی قدر وقیمت کااندازہ اللہ تعالیٰ کے حضور پیش ہونے پر ہی ہوسکتا ہے۔ احادیثِ رسول ﷺ کو محفوظ کرنے کے لیے کئی پہلوؤں اور اعتبارات سے اہل علم نے خدمات انجام دی ہیں۔ تدوینِ حدیث کا آغاز عہد نبوی سے ہوا او ر صحابہ وتابعین کے دور میں پروان چڑھا ۔ائمہ محدثین کےدور میں خوب پھلا پھولا ۔مختلف ائمہ محدثین نے احادیث کے کئی مجموعے مرتب کئے۔محدثین کرام نے احادیث کی جمع وتدوین تک ہی اپنی مساعی کو محدود نہیں رکھا ،بلکہ فنی حیثیت سے ان کی جانچ پڑتال بھی کی ،اور اس کے اصول بھی مرتب فرمائے۔اس کے ساتھ ساتھ ہی انہوں نے کتب حدیث کو بھی مختلف طبقات میں تقسیم کر دیا اور اس کی خاص اصطلاحات مقرر کر دیں۔ زیر تبصرہ کتاب ” محاضرات حدیث” محترم ڈاکٹر محمود احمد غازی صاحب کی تصنیف ہے۔جو درحقیقت ان کے ان دروس اور لیکچرز پر مشتمل ہے جو انہوں نےراولپنڈی اور اسلام آباد میں درس قرآن کے حلقات سے وابستہ مدرسات قرآن کے سامنے پیش کئے۔

یہ ایک ناقابل انکار حقیقت ہے کہ آج اس کائنات میں قرآن شریف کے سوا کوئی ایسی کتاب موجود نہیں ہے ،جسے پوری قطعیت اور یقین کے ساتھ الہامی قرار دیا جاسکےیہ شرف محض قرآن مقدس ہی کو حاصل ہے ۔قرآن مجید کی تعلیمات پر عمل سے امت کو بلندی حاصل ہوئی ہے اور اس سے غفلت برتنے سے پستی کا سامنا کرنا پڑتا ہے۔امت مسلمہ کی موجودہ ذلت ورسوائی کا سبب بھی یہی ہے کہ آج افراد امت نے قرآن حکیم کو پس پشت ڈال رکھا ہے۔قرآن سے اعراض اور بے التفاتی ہی کا ایک مظہر یہ ہے کہ اسے سمجھنے کو کوشش نہیں کی جاتی بلکہ محض الفاظ کی تلاوت پر ہی اکتفا کیا جاتا ہے یوں یہ قرآن سے دوری کا مظہر بھی ہے اور سبب بھی کہ جب تک قرآن کے معانی سے واقفیت نہیں ہو گی اس سے تعلق بھی استوار نہیں ہو سکتا۔المختصر تعلق بالقرآن کے لیے اس کے مفاہیم سے با خبر ہونا ضروری ہے ۔اس کے لیے جناب حافظ صلاح الدین یوسف حفظہ اللہ کے زیر نظر ترجمہ قرآن کا مطالعہ بہت مفید ثابت ہو گا جو معانی القرآن الکریم کے نام سے پیش کیا گیا ہے۔اس میں لفظی ترجمے کا انداز اختیار کیا گیا ہے ،جس سے الفاظ قرآنی کا مفہوم سمجھنے میں آسانی رہتی ہے۔

جب کوئی معاشرہ مذہب کو اپنے قانون کا ماخذ بنا لیتا ہے تو اس کے نتیجے میں علم فقہ وجود پذیر ہوتا ہے۔ علم فقہ، دین کے بنیادی ماخذوں سے حاصل شدہ قوانین کے ذخیرے کا نام ہے۔ چونکہ دین اسلام میں قانون کا ماخذ قرآن مجید اور رسول اللہ صلی اللہ علیہ واٰلہ وسلم کی سنت ہے اس وجہ سے تمام قوانین انہی سے اخذ کیے جاتے ہیں۔ جب قرآن و سنت کی بنیاد پر قانون سازی کا عمل شروع کیا جائے تو اس کے نتیجے میں متعدد سوالات پیدا ہو جاتے ہیں۔قرآن مجید کو کیسے سمجھا جائے؟قرآن مجید کو سمجھنے کے لئے کس کس چیز کی ضرورت ہے؟ سنت کو سمجھنے کے لئے کس کس چیز کی ضرورت ہے؟ سنت کہاں سے اخذ کی جائے گی وغیرہ وغیرہ۔ ان سوالوں کا جواب دینے کے لئے جو فن وجود پذیر ہوتا ہے، اسے اصول فقہ کہا جاتا ہے۔اور تمام قدیم مسالک (احناف،شوافع،حنابلہ اور مالکیہ)نے قرآن وسنت سے احکام شرعیہ مستنبط کرنے کے لئے اپنے اپنے اصول وضع کئے ہیں۔بعض اصول تو تمام مکاتب فکر میں متفق علیہ ہیں جبکہ بعض میں اختلاف بھی پایا جاتا ہے۔ کتاب ” محاضرات فقہ” محترم ڈاکٹر محمود احمد غازی صاحب﷫ کی تصنیف ہے۔جو درحقیقت ان کے ان دروس اور لیکچرز پر مشتمل ہے جو انہوں نےراولپنڈی اور اسلام آباد میں درس قرآن کے حلقات سے وابستہ مدرسات قرآن کے سامنے پیش کئے۔

شیخ عبدالمحسن العباد البدر کی تصنیف شرح حدیث جبریل فی تعلیم الدین مشہور حدیث جبریل کی جامع شرح ہے، جس میں ایمان، اسلام، احسان اور قیامت کی علامات جیسے بنیادی دینی اصول واضح کیے گئے ہیں۔ اس کا اردو ترجمہ و تحقیق محدث العصر حافظ زبیر علی زئی رحمہ اللہ نے کیا ہے۔ یہ کتاب طلبہ، محققین اور عام قارئین کے لیے ایک مستند اور آسان فہم دینی رہنمائی فراہم کرتی ہے۔

علامہ احمد بن حجر کی کتاب ’’معاشرے کی مہلک بیماریاں اور ان کا علاج‘‘ معاشرتی برائیوں اور کبیرہ گناہوں کی نشاندہی کرتے ہوئے قرآن و سنت کی روشنی میں ان کے اثرات اور اصلاح کا طریقہ بیان کرتی ہے۔ اس کا اردو ترجمہ مولانا نصیر احمد نے کیا ہے، اور یہ کتاب فرد اور معاشرے دونوں کی اصلاح کے لیے ایک جامع اور مفید رہنمائی فراہم کرتی ہے۔

فضیلۃ الشیخ محمد عظیم حاصل پوری کی کتاب اذان کے احکام و مسائل میں اذان کے مفہوم، اس کے احکام و مسائل اور مؤذنینِ رسول ﷺ کا مختصر تذکرہ شامل ہے۔ یہ کتاب انسان کو عبادت، خاص طور پر اذان کی اہمیت اور مقصدِ زندگی کی طرف رہنمائی فراہم کرتی ہے۔ اس میں کامیابی کی اصل راہ اللہ کی اطاعت اور فلاح کی طرف بلانے والے پیغام کو واضح کیا گیا ہے۔

مولانا ابوالکلام آزاد برصغیر کی نامور علمی و ادبی شخصیت، بلند پایہ ادیب، سیاستدان اور مذہبی مفکر تھے۔ زیرِ نظر کتاب ’’انسانیت موت کے دروازے پر‘‘ میں انہوں نے انسانی زندگی کی فنا پذیری اور موت کے وقت مختلف تاریخی شخصیات—جن میں نبی کریم ﷺ، خلفائے راشدین اور دیگر جلیل القدر ہستیاں شامل ہیں—کے آخری لمحات اور کلمات کو نہایت اثر انگیز انداز میں بیان کیا ہے، جو قاری کو آخرت کی تیاری اور فکرِ عمل کی طرف متوجہ کرتی ہے۔

حافظ عبد الستار حماد کی شرح کردہ کتاب البیوع صحیح بخاری کے تجارتی ابواب کا اردو ترجمہ و تشریح ہے جو قرآن و حدیث کی روشنی میں خرید و فروخت کے شرعی اصول واضح کرتی ہے۔ اس میں حلال و حرام تجارت، عدل و انصاف اور معاشی معاملات کی رہنمائی موجود ہے۔ یہ کتاب تاجروں کے لیے ایک مستند اور عملی رہنما ہے۔

محمد ابوسعید یاربوزی ایک معروف ترک عالمِ دین اور محمد ناصر الدین البانی کے شاگرد ہیں۔ ان کی کتاب "اسلام میں ترکِ نماز کا حکم" نماز کی اہمیت اور ترکِ نماز کے احکام کو قرآن و حدیث کی روشنی میں مختصر اور آسان انداز میں بیان کرتی ہے، جو ہر مسلمان کے لیے اصلاحِ عمل کا بہترین ذریعہ ہے۔اس کتاب کا اردو ترجمہ پرفیسر ڈاکٹر خالد ظفر اللہ( پی ایچ ڈی انقرہ یونیورسٹی ترکی) نے کیا ہے۔

\n \nرسولِ اکرم ﷺ کی حیاتِ مبارکہ کا احوال سیرت النبی ﷺ پر ایک جامع کتاب، ڈاکٹر اسرار احمد کی زندگی بھر کی محنت کا نچوڑ جو دلوں کو جھنجھوڑ دے اور ایمان تازہ کر دے

ابن قیم الجوزیہ کی کتاب “طب نبوی” نبی کریم ﷺ کی طبی ہدایات اور علاج معالجے کے نبوی اصولوں پر مبنی اہم تصنیف ہے جس میں روحانی اور جسمانی امراض کے علاج کو قرآن و حدیث کی روشنی میں بیان کیا گیا ہے۔ اس میں شہد، کلونجی اور دیگر نبوی علاج کے مستند طریقے شامل ہیں جن کی صحت کو محدثین کے اقوال اور تحقیق کے ساتھ پیش کیا گیا ہے۔ یہ کتاب طب اسلامی کی اہمیت کو اجاگر کرتی ہے اور مکتبہ اسلامیہ کی تحقیق و نظرثانی کے ساتھ شائع کی گئی ایک قیمتی علمی خدمت ہے۔